एनजीओको खाजा देखेपछि संसदीय समितिको बैठकबाट उठेर हिँडे गृहमन्त्री

राजनीति

गृहपृष्ठ
राजनीति
एनजीओको खाजा देखेपछि संसदीय समितिको बैठकबाट उठेर हिँडे गृहमन्त्री

एनजीओको खाजा देखेपछि संसदीय समितिको बैठकबाट उठेर हिँडे गृहमन्त्री

आइतबार, असार २, २०८१ मिडिया जर्नल

काठमाडौँ । प्रतिनिधि सभा अन्तर्गतको राज्य व्यवस्था तथा सुशासन समितिको बैठकमा एनजीओले खाजा उपलब्ध गराएको विषयमा विवाद भएपछि बैठक स्थगित भएको छ ।

आइतबार बिहानका लागि बोलाइएको बैठकमा एनजीओले उपलब्ध गराएपछि उपप्रधान तथा गृहमन्त्री रवि लामिछाने बैठक सुरु नहुँदै बाहिरिएका थिए ।

बिहान ८ बजेका लागि बोलाइएको बैठकमा ‘संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक सम्बन्धमा छलफल ’ गर्ने एजेन्डा रहेको थियो । तर, बैठकमा समयमै गृहमन्त्री लामिछानेले बैठकमा मंहगो मूल्यका खाजा ल्याएको थाहा पाएपछि सोधखोज गरेका थिए ।

त्यसपछि एलएक्सपिटीडी भन्ने संस्थाले सो खाजा उपलब्ध गराएको खुलेपछि लामिछानेले बैठक शुरु नहुँदै बाहिरिएका थिए । खाजाको प्याकेटमा चना, फलफुल, जाम(पाउरोटी, अण्डा, आलु आदि रहेको बैठकमा उपस्थित एक सांसदले बताए ।

गृहमन्त्री लामिछानेले एनजीओको खाजा खाएर बैठक नगर्ने भन्दै समितिका सभापति रामहरि खतिवडालाई प्रश्न गरेका थिए ।

प्रकाशित मिति: आइतबार, असार २, २०८१ १५:२५

प्रतिक्रिया दिनुहोस्