म्याद थप्न कैलाश सिरोहियालाई अदालत लगिँदै

समाज

गृहपृष्ठ
समाज
म्याद थप्न कैलाश सिरोहियालाई अदालत लगिँदै

म्याद थप्न कैलाश सिरोहियालाई अदालत लगिँदै

बुधबार, जेठ ९, २०८१ मिडिया जर्नल

काठमाडौँ । नागरिकता प्रकरणमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई आज (बुधबार) जिल्ला अदालत धनुषामा पेस गर्ने तयारी गरिएको छ।

सिरोहियाको नागरिकताको नम्बर पहिले नागरिकता लिएका अर्का व्यक्तिको नागरिकता नम्बरसँग मेल खाएको भनी धनुषा जिल्ला प्रहरी कार्यालयमा किटानी जाहेरी परेपछि अनुसन्धानका लागि उनलाई मंगलबार पक्राउ गरिएको हो।

जिल्ला अदालत धनुषाले मंगलबार पक्राउ पुर्जी जारी गरेपछि काठमाडौँ उपत्यका अपराध अनुसन्धान कार्यालयको टोलीले सिरोहियालाई मंगलबार साँझ थापाथलीस्थित कान्तिपुर कार्यालयमै गएर पक्राउ गरेको थियो।

बुधबार बिहानै धनुषा जिल्ला प्रहरी कार्यालयको हिरासतमा पुर्‍याइएका सिरोहियालाई म्याद थपका लागि प्रहरीले आज अदालत पेस गर्ने भएको हो। धनुषा जिल्ला प्रहरी कार्यालयका प्रवक्ता, प्रहरी नायब उपरीक्षक (डीएसपी) रञ्जन अवाले सिरोहियालाई जिल्ला अदालत लाने तयारी भइरहेको जानकारी दिए।

‘म्याद थपका लागि आज हामी उहाँ (सिरोहिया) लाई जिल्ला अदालत धनुषामा लाँदै छौँ’, डीएसपी अवाले भने, ‘सुरुमा हामी १० दिनको म्याद माग्नेछौँ ।’

नागरिकता दुरुपयोग गरेको भनी सिरोहियाविरुद्ध सर्लाहीका इन्द्रजित महतोले गत वैशाख १६ गते जिल्ला प्रहरी कार्यालय, धनुषामा किटानी जाहेरी दिएका थिए।

प्रकाशित मिति: बुधबार, जेठ ९, २०८१ १०:५३

प्रतिक्रिया दिनुहोस्