ललितपुरमा अपाङ्गमैत्री फुटपाथ निर्माण

समाज

गृहपृष्ठ
समाज
ललितपुरमा अपाङ्गमैत्री फुटपाथ निर्माण

ललितपुरमा अपाङ्गमैत्री फुटपाथ निर्माण अपाङ्गमैत्री फुटपाथ निर्माण

२८, कात्तिक मिडिया जर्नल

ललितपुरमा अपाङ्गमैत्री फुटपाथ निर्माण

ललितपुर, २८ कात्तिक । एशियन कंक्रिटो प्रालिले ललितपुर महानगरपालिकासँगको सहकार्यमा निर्माण गरिएको अपाङ्गमैत्री र वातावरणमैत्री नमुना फुटपाथ निर्माण गरी हस्तान्तरण गरेको छ । हरिहर भवनदेखि एमएमबी बैंक सम्मको ९० मिटर फुटपाथ निर्माण गरी शुक्रबार महानगरपालिकालाई हस्तान्तरण गरेको छ ।

कम्पनीले आफ्नै उत्पादन, लागत र प्राविधिक सहयोगमा निमार्ण सम्पन्न गरी हस्तान्तरण गरेको बताइएको छ ।हस्तान्तरण कार्यक्रममा बोल्दै ललितपुर महानगरका मेयर चिरीबाबु महर्जनले एशियन कंक्रिटो कम्पनीले सम्पूर्ण लगानी रहेको फुटपाथ निर्माणमा महानगरपालिकाले कुनै पनि प्रकारका आर्थिक दायित्व बहन नगरेको बताएका छन् । महानगरपालिकाको अन्य क्षेत्रमा पनि अपाङ्गमैत्री र वातावरणमैत्री फुटपाथ निर्माण गरिने र त्यसका लागि कम्पनीसँग सम्झौता गरी अगाडि बढ्ने पनि बताउनुभयो ।

कम्पनीका निर्देशक अनिल जेटियाले जुनसुकै निकाय र कम्पनीले पनि सडक निर्माणका क्रममा फुटपाथ निर्माणलाई प्राथमिकता नदिने गरेको बताए । कम्पनीले १९ लाख ५८ हजार ८ सय ७८ रुपैयाँको लगानीमा फुटपाथ निर्माण गरेको हो । आफ्नो सामाजिक उत्तरदायित्व अन्तरगत फुटपाथ निर्माण गरिएको कम्पनीले जनाएको छ ।

र याे पनि हेराैं