बाँकेको अशोक सामुदायिक वनमा वन्यजन्तुका लागि कृत्रिम पोखरी निर्माण

विकास / पूर्वाधार

गृहपृष्ठ
विकास / पूर्वाधार
बाँकेको अशोक सामुदायिक वनमा वन्यजन्तुका लागि कृत्रिम पोखरी निर्माण

बाँकेको अशोक सामुदायिक वनमा वन्यजन्तुका लागि कृत्रिम पोखरी निर्माण

आइतबार, वैशाख २८, २०८२ मिडिया जर्नल

बाँके । गर्मी याममा वन्यजन्तुलाई पानी अभाव नहोस् भनेर बाँकेको राप्तीसोनारी गाउँपालिका–२ मदुइस्थित अशोक सामुदायिक वनमा कृत्रिम पोखरी निर्माण गरिएको छ।

डिभिजन वन कार्यालय बाँके र एकीकृत भूपरिधि व्यवस्थापन आयोजना (इलम) को प्राविधिक तथा आर्थिक सहयोगमा निर्माण गरिएको पोखरीमा सिक्टा सिँचाइको नहरबाट पम्पसेटमार्फत पानी ल्याइएको हो ।

वन अधिकृत बाबुराम पोख्रेलका अनुसार, गर्मीमा पानीका स्रोत सुक्ने समस्या समाधानका लागि पोखरी निर्माण गरिएको हो। अशोक सामुदायिक वन उपभोक्ता समूहका अध्यक्ष भगानुसिंह थारूले नयाँ पोखरीसहित वनमा अब दुई वटा पोखरी बनेको बताए ।

फिल्ड प्रवन्धक प्रकाश थापाका अनुसार, इलमको पाँच लाख तीन हजार र समूहको ५६ हजार बराबरको जनश्रमदानसहित कूल ५ लाख ५९ हजार रुपैयाँमा पोखरी निर्माण भएको हो ।

प्रकाशित मिति: आइतबार, वैशाख २८, २०८२ १२:३७

#सामुदायिक

प्रतिक्रिया दिनुहोस्