सुरक्षा/अपराध

गृहपृष्ठ
सुरक्षा/अपराध
आलम प्रकरणमा सर्वोच्चमा पुनरावेदन हुने

आलम प्रकरणमा सर्वोच्चमा पुनरावेदन हुने

बुधबार, असार १८, २०८२ मिडिया जर्नल

काठमाडौँ । बम विष्फोटका घाइतेलाई इँटाभट्टामा जिउँदै जलाएको अभियोगमा कांग्रेस नेता तथा पूर्वमन्त्री मोहम्मद अफताव आलमलाई सफाइ दिने वीरगञ्ज उच्च अदालतको फैसलाविरुद्ध महान्यायाधिवक्ता कार्यालयले पुनरावेदन गर्ने भएको छ।

महान्यायाधिवक्ताको कार्यालयले उच्च सरकारी वकिलको कार्यालय, वीरगन्जमा पुनरावेदनका लागि छिटो पठाउन भनिसकेको र चाँडै सर्वोच्चमा मुद्दा दर्ता हुने जानकारी दिएको छ।

उच्च अदालत जनकपुरको वीरगन्ज इजलासका न्यायाधीशद्वय खुसीप्रसाद थारु र अर्जुन महर्जनको इजलासले जेठ १४ गते आलमलाई इँटाभट्टामा जिउँदै जलाएको विषयमा सफाइ दिने फैसला गरेको थियो। उक्त फैसला विवादमा परेसँगै दुवै न्यायाधीशमाथि न्याय परिषद्ले छानबिन अगाडि बढाएको छ।

यसअघि आलमसहित ४ जनालाई जिल्ला अदालत रौतहटले जन्मकैदको फैसला सुनाएको थियो। रौतहट जिल्ला अदालतको फैसला उच्च अदालत वीरगञ्जले उल्ट्याएको हो।

प्रकाशित मिति: बुधबार, असार १८, २०८२ १७:२१

प्रतिक्रिया दिनुहोस्