समाज

गृहपृष्ठ
समाज
६१ किलो सुन प्रकरणमा पक्राउ परेकी अमला रोका अदालतमा उपस्थित

६१ किलो सुन प्रकरणमा पक्राउ परेकी अमला रोका अदालतमा उपस्थित

आइतबार, असार ८, २०८२ मिडिया जर्नल

काठमाडौँ । ६१ किलो सुन तस्करी प्रकरणमा संलग्न रहेको अभियोगमा पक्राउ परेकी अमला रोकालाई काठमाडौं जिल्ला अदालतमा उपस्थित गराइएको छ। केन्द्रीय अनुसन्धान ब्यूरो (सीआईबी) का प्रवक्ता एसपी युवराज खड्काका अनुसार, उनीमाथि पहिले नै मुद्दा दर्ता भएकाले सरकारी वकिलमार्फत अदालतमा पेश गरिएको हो।

रोकालाई सीआईबीले गत शुक्रबार काठमाडौंको टोखाबाट पक्राउ गरेको थियो। उनीविरुद्ध अन्तर्राष्ट्रिय प्रहरी संगठन (इन्टरपोल) मार्फत डिफ्यूजन नोटिससमेत जारी गरिएको थियो। रोका बेल्जियम नागरिक र मुख्य अभियुक्त दावा छिरिङकी श्रीमती हुन्। ठमेलस्थित होटल भियना पनि उनको नाममा दर्ता रहेको छ।

राजस्व अनुसन्धान विभागले २ साउन २०८० मा त्रिभुवन विमानस्थलबाट भन्सार पास गरेर निस्किएको ६१ किलो सुन बरामद गरेको थियो। त्यसपछि थप अनुसन्धानका लागि उक्त फाइल सीआईबीलाई हस्तान्तरण गरिएको थियो।

रोका माओवादी नेतृसमेत रहिएकी हुन्। उनीसहित तीन चिनियाँ नागरिकसँग गोसाइकुण्ड भ्रमणमा हेलिकप्टरमार्फत गएका पूर्व उपराष्ट्रपतिको छोरा दिपेश पुनसमेत सो प्रकरणमा मुछिएका थिए। उच्च अदालतका पूर्व न्यायाधीश डिल्लीराज आचार्यको नेतृत्वमा गठन गरिएको छानबिन समितिले पुनको पनि बयान लिएको छ।

प्रकाशित मिति: आइतबार, असार ८, २०८२ १४:४०

प्रतिक्रिया दिनुहोस्