सगरमाथा संवाद काठमाडौँमा सुरु

समाचार

गृहपृष्ठ
समाचार
सगरमाथा संवाद काठमाडौँमा सुरु

सगरमाथा संवाद काठमाडौँमा सुरु १२ देशका उच्चस्तरीय प्रतिनिधिमण्डलको सहभागिता

शुक्रबार, जेठ ३, २०८२ मिडिया जर्नल

काठमाडौँ । नेपाल सरकारको आयोजनामा पहिलोपटक सुरु भएको सगरमाथा संवाद काठमाडौंमा सुरु भएको छ । जलवायु परिवर्तन, पर्वत र मानवताको भविष्य विषयमा केन्द्रित संवादमा १२ देशका उच्चस्तरीय प्रतिनिधिमण्डलसहित ६१ अन्तर्राष्ट्रिय तथा राष्ट्रिय संस्था सहभागी छन् ।

प्रधानमन्त्री केपी शर्मा ओलीले उद्घाटन गरेको कार्यक्रममा परराष्ट्रमन्त्री डा. आरजु राणा देउवाले स्वागत मन्तव्य दिइन् । उद्घाटन समारोहमा भारत, चीन, अजरबैजानलगायत देशका विशिष्ट पाहुनाले सम्बोधन गरिरहेका छन् । संयुक्त राष्ट्रसंघका महासचिव एन्टोनियो गुटेरेसको सन्देश पनि श्रव्यदृश्य रूपमा प्रस्तुत गरिएको छ ।

तीन दिनसम्म चल्ने संवादमा प्लेनरी सत्र, विषयगत समानान्तर सत्र र साइड इभेन्टहरू हुनेछन् । अन्तिम दिन ‘काठमाडौं घोषणापत्र’ जारी हुनेछ भने विदेशी पाहुनालाई हिमाल अवलोकन गराइनेछ ।

संवादले जलवायु संकट समाधानका उपाय खोज्न र नेपालका संरक्षण अभ्यासलाई विश्वमा प्रस्तुत गर्न योगदान गर्ने सरकारको अपेक्षा छ । सगरमाथा संवाद अब प्रत्येक दुई वर्षमा आयोजना गरिनेछ ।

प्रकाशित मिति: शुक्रबार, जेठ ३, २०८२ ११:२७