पूर्वराजा ज्ञानेन्द्र शाहले नै जनता भड्काउने काम गरे : कृष्ण सिटौला

राजनीति

गृहपृष्ठ
राजनीति
पूर्वराजा ज्ञानेन्द्र शाहले नै जनता भड्काउने काम गरे : कृष्ण सिटौला

पूर्वराजा ज्ञानेन्द्र शाहले नै जनता भड्काउने काम गरे : कृष्ण सिटौला

सोमबार, चैत ४, २०८१ मिडिया जर्नल

काठमाडौँ । नेपाली कांग्रेसका नेता कृष्ण सिटौलाले पूर्वराजा ज्ञानेन्द्र शाहले नै जनता भड्काउने काम गरेको बताएका छन् ।

सोमबार राष्ट्रियसभा बैठकको विशेष समयमा बोल्दै सिटौलाले सरकारले स-सम्मान बिदाइ गरेको पूर्वराजा ज्ञानेन्द्रले केही गर्छु भनेर गाडीमा उभिएर हिँड्न खोज्नु शोभनीय विषय नभएको र जनता भड्काउने काम गरेको बताएका हुन् ।

उनले पूर्वराजाले राज्यले दिएको सम्मान ग्रहण गरेर बस्नु नै उचित हुने जिकिर गरे । तत्कालीन अवस्थामा आफू गृहमन्त्री हुँदा प्रधानमन्त्रीको प्रतिनिधिको रूपमा ज्ञानेन्द्र शाहसँग वार्ता गरेर निवास र सुरक्षा प्रबन्धको ज्ञारेन्टी गरेको उनले स्मरण गरे ।

उनले जनतासामु राजनीतिक खेलाडीको रूपमा मैदानमा आए भन्न सक्नुपर्ने तर राजा आउँछ भनेर जनतालाई भड्काउने काम गर्न नहुने बताए । उनले यस विषयमा राजनीतिक दृढता नआएकाले सबै राजनीतिक दल एकताबद्ध भएर उभिने बेला आएको धारणा राखे । सिटौलाले संविधान जारी भइसकेपछि अहिलेसम्मको अवस्थामा आइपुग्दा सबै दलले आलोपालो सरकारको नेतृत्व गरेकाले अव संविधानको कार्यान्वयनको समीक्षा गर्ने बेला भएको बताए ।

प्रकाशित मिति: सोमबार, चैत ४, २०८१ १४:५८

प्रतिक्रिया दिनुहोस्