भारतमा सडक दुर्घटनामा बिजेपी नेता भारद्वाजको मृत्यु

अन्तराष्ट्रिय

गृहपृष्ठ
अन्तराष्ट्रिय
भारतमा सडक दुर्घटनामा बिजेपी नेता भारद्वाजको मृत्यु

भारतमा सडक दुर्घटनामा बिजेपी नेता भारद्वाजको मृत्यु

सोमबार, फागुन २८, २०८० मिडिया जर्नल

पटना । भारत मध्यप्रदेशको गुना स्थित ४६ नम्बर नेशनल हाइवेमा भएको सड़क दुर्घटनामा उत्तर प्रदेशको बीजेपी नेता संजीव भारद्वाजको मृत्यु भएको छ।

भारद्वाज उत्तर प्रदेशमा भारतीय जनता पार्टी ब्रज क्षेत्रको कार्यालय प्रमुख, एबिविपीको पूर्व बिभाग संगठन मन्त्री, क्षेत्रीय कार्यालय मन्त्री रहेका थिए।

नेता भारद्वाज केही साथीहरु संग उजैन महाकाल दर्शन गरेर आगरा गईरहेको क्रममा कुम्भराज थाना ईलाका खटकिया भन्ने स्थानमा उनी सवार कारको टायर पड्केर पल्टिएको थियो।

दुर्घटनामा नेता भारद्वाजको घटना स्थलमै मृत्यु भएको तथा कारमा सवार श्रवण कस्यप, पुसपेन्द्र यादव, मुकुल फौजदारी घाईते भएको र उनीहरूको स्थानिय अस्पतालमा उपचारका भईरहेको प्रहरीले बताएको छ। दुर्घटना आज आईतवार बिहान ५ बजे भएको मध्यप्रदेश प्रहरीले जनाएको छ। कार तीव्रगतिमा भएकाले अनियन्त्रीत भएर दुर्घटना भएको तथा थप अनुसन्धान भइरहेको प्रहरीले जनाएको छ।

प्रकाशित मिति: सोमबार, फागुन २८, २०८० १२:५४

प्रतिक्रिया दिनुहोस्